შინაგან საქმეთა სამინისტრომ ფრაქცია "ერთიანი ნაციონალური მოძრაობის" წევრის თენგიზ გუნავას წინააღმდეგ სახელმწიფოსთვის ზიანის მიყენების ბრალდებით სარჩელი შეიტანა. საქმე ეხება მის შსს-ს გენინსპექციის ხელმძღვანელის თანამდებობაზე მუშაობის პერიოდში სამინისტროს სარგებლობაში მყოფი ავტომობილების საწვავის ტალონების მითვისებას.
"სასამართლომ არ დააკმაყოფილა თენგიზ გუნავას წინააღმდეგ შეტანილი სარჩელი, რადგან მიიჩნია, რომ პროცესი კანონმდებლობის უხეში დარღვევით მიმდინარეობდა" - ამბობს გუნავას ადვოკატი ივანე პეტრიაშვილი.
