"გთხოვთ ყველას, გადამირჩინოთ დევა..." - ვეტერანი ფეხბურთელის აკაკი დევაძის მეუღლე მიმართვას ავრცელებს
ვეტერანი ფეხბურთელის კაკო (აკაკი) დევაძის ამბავი საზოგადოებამ ცოტა ხნის წინ შეიტყო.
დამოუკიდებელი ქართული ფეხბურთის ერთ-ერთი გამორჩეული მეკარის, საქართველოს ეროვნული ნაკრების ყოფილი წევრის მდგომარეობა 2015 წლის ოქტომბრიდან გაუარესდა.
თურქულ კლინიკაში მას უთხრეს, რომ სასწრაფოდ ესაჭიროება ღვიძლის ოპერაცია და ადგილზე 3-თვიანი რეაბილიტაციის კურსი. მის დასახმარებლად ქართული საფეხბურთო სამყარო და კერძო პირები რამდენიმე კვირის განმავლობაში აგროვებდნენ თანხებს.
ამჟამად ყოფილი მეკარე თურქეთის ერთ-ერთ კლინიკაში იმყოფება. როგორც ირკვევა, დევაძე კვლავ უმძიმეს მდგომარეობაშია. ის იმყოფება თურქეთში ღვიძლის გადანერგვის ოპერაციაზე, თუმცა ღვიძლის დონორი არ გამოადგა. მისი მეუღლე მანონი დევაძე სოციალურ ქსელში დახმარებას ითხოვს:
"სასწრაფოდ... აღარ არის ლოდინის დრო... გვესაჭიროება ღვიძლის დონორი... სისხლის პირველი ჯგუფის მქონე... გთხოვთ ყველას, დამეხმაროთ ინფორმაციის მოპოვებაში... გადამირჩინოთ დევა..." - წერს ვეტერანი ფეხბურთელის მეუღლე.
მისივე ინფორმაციით, რეზუსს არ აქვს მნიშვნელობა, მთავარია, დონორის სისხლის ჯგუფი იყოს პირველი. მათ ვისაც დახმარების სურვილი აქვთ, შეუძლიათ დარეკონ ტელეფონის ნომერზე 555 44 59 13
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
