აზერბაიჯანის თავდაცვის უწყების ინფორმაციით, მთიან ყარაბარში სროლები შეჩერებულია

აზერბაიჯანისა და სომხეთის ჯარების "შეხების ხაზზე" ვითარება დასტაბილურდა. ამის შესახებ სააგენტო "ტრენდს" აზერბაიჯანის თავდაცვის სამინისტროს პრესსამსახურის ხელმძღვანელმა ვაგიფ დარგიახლიმ განუცხადა.

მისი ინფორმაციით, აზერბაიჯანის სამხედრო ძალების საპასუხო ცეცხლის შედეგად, სროლები შეჩერებულია.

აზერბაიჯანული მხარე იუწყება, რომ შაბათს გამთენიისას აზერბაიჯანის ყველა პოზიციის მსვილკალბრიანი იარაღით ინტენსიური დაცხრილვა მოხდა.