გორში ჯარისკაცი საკუთარ სახლში გაჩენილ ხანძარს ემსხვერპლა

გორში, კომბინატის დასახლებაში 39 წლის სამხედრო მოსამსახურე ხანძრის დროს გარდაიცვალა. პირველადი ვერსიით, გარდაცვალების მიზეზი კვამლის შესუნთქვა გახდა. შემთხვევა 2016 წლის 8 მარტს ღამის საათებში მოხდა.

შიდა ქართლის საინფორმაციო ცენტრს ინფორმაცია შს სამინისტროს პრესსამსახურში დაუდასტურეს. გამოძიება საქართველოს სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიკვდილს გულისხმობს.

წყარო: qartli.ge