მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აიუფ ბორჩაშვილი ჯიჰადისტ თარხან ბათირაშვილთან კავშირს არ უარყოფს
10:01 / 25-02-2016
ტერორისტულ ორგანიზაციასთან თანამშრომლობის ბრალდებით დაკავებული აიუფ ბორჩაშვილი ჯიჰადისტ თარხან ბათირაშვილთან კავშირს არ უარყოფს.
აიუფ ბორჩაშვილმა საქალაქო სასამართლოში დაკითხვისას განაცხადა, რომ ის ნამდვილად იცნობს ბათირაშვილს და მასთან კომუნიკაცია ჰქონდა, თუმცა საუბარი შეეხებოდა პანკისის ხეობაში სკოლის აშენებას. რაც შეეხება ტერორისტულ ორგანიზაციასთან კავშირს, ბორჩაშვილი აღნიშნულს არ ადასტურებს.
დღევანდელ პროცესზე ბრალდებულმა არასრულწლოვნების საქართველოდან გამგზავრების თაობაზეც ისაუბრა და წაყენებული ბრალი უარყო.
როგორც ჟურნალისტებს ბორჩაშვილის ადვოკატმა გელა ნიკოლაიშვილმა განუცხადა, ბავშვები, რომლებიც წავიდნენ საზღვარგარეთ, ბორჩაშვილთან კავშირში არ იყვნენ.
"ბორჩაშვილმა განაცხადა, რომ მასთან იყვნენ თხოვნით მისულები, რომ დახმარებოდა გამგზავრებაში. მან კატეგორიული უარი განუცხადა და ეს ბავშვები თავისით წავიდნენ. ეს ბავშვები აიუფ ბორჩაშვილთან გიორგი ბორჩაშვილმა მოიყვანა, რომელმაც დღეს პროცესზე განაცხადა, თითქოს აიუფ ბორჩაშვილმა გაამგზავრა ეს ბავშვები", - განაცხადა ნიკოლაიშვილმა.
აიუფ ბორჩაშვილი 2015 წლის 14 ივნისს დააკავეს. გამოძიება მას ტერორისტულ ორგანიზაციაში გაწევრიანების გამო გადაბირებისთვის, უცხო ქვეყნის ტერორისტულ ორგანიზაციაში გაერთიანებაში ან ტერორისტულ საქმიანობაში დახმარებაში ადამაშაულებს. ბრალის დამტკიცების შემთხვევაში 10-დან 17 წლამდე თავისუფლების აღკვეთა ემუქრება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
