როგორი იქნება მომავლის ტრანსპორტი

წარმოიდგინეთ, ყველა ტრანსპორტი, რომელიც ფანტასტიკურ ფილმებში გინახავთ, შესაძლოა, მალე რეალობად იქცეს. წარმოგიდგენთ ფუტურისტულ ტრანსპორტს, რომელზე მუშაობაც აქტიურად მიმდინარეობს და უახლოეს მომავალში შესაძლოა, მართლა ვიხილოთ.

სქაიტრანი

თელ-ავივში სერიოზული პრობლემებია საცობთან დაკავშირებით, ამიტომ მათი მიზანია, უახლოეს მომავალში ტრანსპორტირების ახალი საშუალება წარმოადგინონ. ამიტომაც ისრაელში გადაწყვიტეს, შექმნან სქაიტრანი, რომელიც ექვსი მეტრის სიმაღლეზე იქნება მიწისგან და ლიანდაგისმაგვარ მილებზე იქნება დაკიდებული. ხალხს შეეძლება მისი გამოძახება და უახლოეს სადგურამდე მისვლა. მართალია, მისი ფასი ავტობუსზე ცოტა ძვირი იქნება, მაგრამ ტაქსზე იაფი. სქაიტრანი საათში 241 კილომეტრი სიჩქარით იმოძრავებს.

სკარაბი

ეს კონცეპტუალური მანქანა მოტოციკლის ფორმისაა, თუმცა დახურულია, საბარგული აქვს. ან ბატარეაზე ივლის, ან ბიობენზინზე. მას ექნება ავტოპილოტის ფუნქცია. შესაბამისად, სამსახურის შემდეგ დაღლილი, თავისუფლად შეძლებთ დაძინებას, სახლში კი თავად მიგიყვანთ სკარაბი.

სკაილონი

2013 წელს დიდ ბრიტანეთში დაანონსდა 90 მილიონი დოლარის ბიუჯეტის პროგრამა, რომელიც დედამიწაზე უსწრაფესი თვითმფრინავის შექმნას ისახავს მიზნად. სკაილონს შეეძლება 300 კაციანი ეკიპაჟის ლონდონიდან სიდნეიში ოთხ საათში გადაყვანა. აგრეთვე, ხომალდს შეეძლება კოსმოსში გაფრენა.

სკაილონის შექმნა ჯერ ახალი დაწყებულია და დახარჯულმა თანხამ შესაძლოა, მილიარდ დოლარზე მეტს მიაღწიოს. მეცნიერების უმრავლესობა პროექტისადმი ოპტიმისტურადაა განწყობილი. თუ ყველაფერი გეგმის მიხედვით წარიმართა, სკაილონი 2017 წლისთვის მზად იქნება.

ველოსიტი

2006 წელს ტორონტოში განაცხადეს, რომ გეგმავენ მაღალსიჩქარიანი სატრანზიტო ველო სისტემის შექმნას. იდეა ასეთია: აშენდეს გზატკეცილის ფართობის მილები, რომლებშიც ივლიან ველოსიპედები. მილებში იქნება კლიმატური მართვის ფუნქცია. ველომძღოლები ვერც სიცივეს იგრძნობენ, ვერც სიცხეს. პროექტი ფინანსების არარსებობს გამო დროებით შეჩერებულია.

სუპერკავიტაცია

სუპეკავიტაცია არის ეფექტი, რომელსაც ქმნის აირის ძლიერი ფორმირება თხევად საგნებთან მიმართებაში. ანუ სუპერკავიტაციის შემთხვევაში, ობიექტს შეეძლება წყლის ზედაპირზე დიდი სისწრაფით გადაადგილდეს. მას არ ჭირდება ბევრი საწვავი, ძალიან სწრაფია და მისი დაფიქსირება რადარებისთვის რთული საქმეა. სისწრაფით შესაძლოა, მან ტორპედოებსაც გაუსწროს. მართალია, ასეთი ტრანსპორტი უფრო სამხედრო ოპერაციებში გამოდგება, მაგრამ არც მსგავს იახტებზე იქნებოდა ურიგო ფიქრი.