მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მოხალისე შიმშილისგან დაუძლურებულ ბიჭუნას წყალს ასმევს - 2 წლის ჰოუპის ისტორიამ მსოფლიო შეძრა
02:34 / 16-02-2016
ნიგერიაში ოჯახმა სასიკვდილოდ გაიმეტა 2 წლის შვილი, რადგან თვლიდნენ, რომ ბავშვი "კუდიანი" იყო. ბიჭუნა რვა თვის მანძილზე გამვლელების გადაგდებული ნარჩენებით იკვებებოდა, მის სხეულს კი მატლები ესეოდა.
შიშველი ბიჭუნა ქუჩაში დანიური საქველმოქმედო ორგანიზაციის მოხალისემ ანია რინგერენ ლოვენმა შენიშნა. მის ლოვენი შეაძრწუნა ბავშვის მდგომარეობამ. იგი დაუყოვნებლივ მიუახლოვდა პატარას და წყალი დაალევინა. შემდეგ პლედში გაახვია და უახლოეს საავადმყოფოში ხელში აყვანილი წაიყვანა. ბავშვს ჰოუპი (იმედი) დაარქვეს.
ანია ლოვენი "აფრიკელი ბავშვების სამედიცინო განათლების და განვითარების ფონდის" დამაარსებელია. მან ეს ფონდი სამი წლის წინ შექმნა იმ ბავშვების დასახმარებლად, რომლებსაც "კუდიანებად" მიიჩნევენ და სახლიდან აგდებენ, ხშირად კი კლავენ კიდეც.
"ათასობით ბავშვს აბრალებენ "კუდიანობას", აწამებენ, კლავენ და აშინებენ მათივე ოჯახის წევრები, საზოგადოება, რომელშიც ისინი ცხოვრობენ", - წერს ლოვენი საკუთარი "ფეისბუქის" გვერდზე. აქვე განათავსა მან პატარა ნიგერიელი ბიჭის შემდგომი ისტორიის ამსახველი ფოტოები. პატარა ჰოუპი დაბანეს, მოაწესრიგეს, გამოკვებეს და ბავშვთა სეპეციალურ თავშესაფარში გადაიყვანეს. ფოტოებთან ერთად ანიამ სოციალურ ქსელში გაავრცელა ბავშვის სამედიცინო ხარჯების დასაფარი ანგარიშის ნომერი, რომელზეც ნებისმიერ მსურველს შეუძლია ფულის გადარიცხვა.
მომზადებულია dailymail.co.uk-ს მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
