ჯერ პოლიციელ ქალს, შემდეგ კი მამაკაცს ესროლა - თელავში მომხდარი მკვლელობის დეტალები

ერთი პოლიციელის მკვლელობისა და ერთი სამართალდამცავის დაჭრის ბრალდებით დაკავებული პირი 19 წლისაა. ამის შესახებ "ინტერპრესნიუსის" კორესპონდენტი შემთხვევის ადგილზე არსებულ ინფორმაციაზე დაყრდნობით იუწყება.

ამასთან, არსებული ინფორმაციით, პირმა, რომელიც თელავის პოლიციის ეზოში დააკავეს, ჯერ ქალს, შემდეგ კი მამაკაცს ესროლა. დაჭრილი თელავის ცენტრალურ საავადმყოფოშია გადაყვანილი. მისი მდგომარეობა მძიმეა.

შსს-ს ცნობით, დაჭრილი ქალი და მოკლული მამაკაცი - გელა ლამაზოშვილი თელავის საპატრულო პოლიციის თანამშრომლები არიან. მკვლელობასა და მკვლელობის მცდელობაში ბრალდებული კი, შსს-ს ცნობით, პოლიციამ ცხელ კვალზე დააკავა.

მომხდარზე გამოძიება სისხლის სამართლის კოდექსის 108-ე და 19 109-ე მუხლებით დაიწყო, რაც შესაბამისად, განზრახ მკვლელობას და დამამძიმებელ გარემოებებში განზრახ მკვლელობის მცდელობას გულისხმობს.

"ინტერპრესნიუსი"

• "შევარდა ავტომატით და ვინც მოხვდა, ესროლა" - რას ყვებიან თვითმხილველები თელავის პოლიციაში მომხდარ სროლაზე
• თელავში პოლიციელის მკვლელობაში ეჭვმიტანილი 19 წლის მამაკაცი დააკავეს
• თელავში, პოლიციაში მომხდარი სროლისას დაჭრილებს შორის სამართალდამცველი ქალიცაა