მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კომპანიები, რომლებიც წყლის უკანონო მოხმარებაში გამოიჭირეს - ვინ მოხვდა "ჯორჯიან უოთერ ენდ ფაუერის" "შავ სიაში"
06:32 / 19-12-2015
კომპანია "ჯორჯიან უოთერ ენდ ფაუერმა", მიმდინარე წლის ნოემბერსა და დეკემბერში, სასმელი წყლის უკანონოდ მოხმარების 150-მდე შემთხვევა გამოავლინა. როგორც "ინტერპრესნიუსს" კომპანიიდან აცნობეს, მონიტორინგის ფარგლებში ჩატარებული მოკვლევის შედეგად, უკანონოდ მოხმარებული სასმელი წყლის საფასური, ჯამურად, 180 000-მდე ლარს შეადგენს.
"პარალელურად, "ჯორჯიან უოთერ ენდ ფაუერი" იმ ორგანიზაციების შესახებ ინფორმაციის გასაჯაროებას განაგრძობს, რომლებიც განსაკუთრებით დიდი ოდენობით სასმელ წყალს უკანონოდ მოიხმარდნენ. მათ შორისაა ორი სამშენებლო კომპანია: შპს "არ ენდ ელ გრუფი", რომელსაც წყლის უკანონო მოხმარებისთვის 36 345 ლარი ადმინისტრაციული სახდელის სახით დაერიცხა, ხოლო შპს "ჯი დი გრუფს" 24 380 ლარი.
წყლის დატაცების ფაქტები, სამშენებლო კომპანიების გარდა, გამოვლინდა სხვადასხვა ტიპის ობიექტებში, მათ შორისაა: შპს "თანადგომა" და შპს "პეკინი" (ჩინური რესტორანი) - საზოგადოებრივი კვების ობიექტები, შპს "ლაიმლაითი" - სასტუმრო, შპს "მეგობრობა" - ავტოსამრეცხაო, შპს "შვიდი მითი" - სასაწყობე მეურნეობა.
დარღვევის მქონე თითქმის ყველა ობიექტი წყლის დატაცებას უკანონო ხაზების მეშვეობით ახდენდა. ყოველ კონკრეტულ დარღვევასთან დაკავშირებით, ინდივიდუალური აქტის შედგენა და დატაცებული წყლის ოდენობის დაანგარიშება სემეკ-ის მიერ დადგენილი წესების შესაბამისად მოხდა.
აბონენტების მხრიდან წყლის უკანონო მოხმარება "ჯორჯიან უოთერ ენდ ფაუერს" მნიშვნელოვან მატერიალურ ზარალს აყენებს. აღნიშნულის გათვალისწინებით, კომპანია აგრძელებს აქტიურ ქმედებებს წყლის დატაცების შემთხვევების გამოსავლენად. პარალელურად, კომპანია თანამშრომლობას სთავაზობს ყველა იმ ობიექტის მეპატრონეს, რომელიც სასმელ წყალს ჯერ კიდევ უკანონოდ მოიხმარს. აღიარების შემთხვევაში, ისინი ჯარიმისგან გათავისუფლდებიან. თანამშრომლობის სურვილის შემთხვევაში, კომერციული ობიექტების მეპატრონეებს შეუძლიათ დაუკავშირდნენ GWP-ის ცხელ ხაზს - 293 11 11 ან მიმართონ კომპანიის სათავო ოფისს. "ჯორჯიან უოთერ ენდ ფაუერის" მხრიდან ანონიმურობა სრულად იქნება დაცული", - ნათქვამია კომპანიის განცხადებაში.
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
