რა ინფორმაციას ავრცელებს "გაზპრომი" კახა კალაძისა და ალექსეი მილერის შეხვედრის შესახებ
საქართველომ და "გაზპრომმა" გაზის ტრანზიტისა და მიწოდების საკითხებზე მსჯელობა გააგრძელეს, - ამის შესახებ ინფორმაციას "გაზპრომი" ავრცელებს.
რუსული კომპანიის ვებ-გვერდზე განთავსებული ინფორმაციის თანახმად, "გაზპრომის" ხელმძღვანელ ალექსეი მილერსა და საქართველოს ვიცე-პრემიერ, ენერგეტიკის მინისტრს კახა კალაძეს შორის სამუშაო შეხვედრა ლუქსემბურგში გაიმართა.
მათივე განმარტებით, შეხვედრაზე საქართველოს ტეროროტიაზე რუსული გაზის ტრანზიტსა და კომერციულ მიწოდებასთან დაკავშირებულ საკითხზე მსჯელობა გაგრძელდა.
შეხვედრასთან დაკავშირებით ინფორმაცია ჯერჯერობით არ გაუვრცელებია საქართველოს ენერგეტიკის სამინისტროს.
არსებული ტრანზიტის მომსახურების ხელშეკრულების გაგრძელებისა და სხვა ტექნიკური ხასიათის საკითხებზე, აგრეთვე, ბუნებრივი აირის დამატებითი მოცულობების მოწოდების შესაძლებლობასა და პირობებზე საქართველოსა და "გაზპრომს" შორის მოლაპარაკება დეკემბრის ბოლოს უნდა დასრულდეს.
გამოგვყევით, რომ არ გამოტოვოთ პოლიტიკის ყველაზე მნიშვნელოვანი ამბები.
გამოიწერეთ პოლიტიკური სიახლეები და იხილეთ ის თქვენს Newsfeed-ში.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
