როგორც უკვე ცნობილია, ნუკი კოშკელიშვილის ამერიკაში გათხოვების გამო, გადაცემა ''კოქტეილები'' ნიკა გრიგოლიასთან ერთად მარიტა როხვაძეს მიჰყავს. პირველი გადაცემა ''მარაო რუსთავი 2''-ზე უკვე გავიდა. მარიტამ წამყვანის როლი ადვილად მოირგო და პირველი, ვინც მას ჭორებზე გულახდილად ესაუბრა, თაკო გაჩეჩილაძე იყო.
მარიტამ და თაკომ ისაუბრეს პროექტ ''ერთი ერთზე'', სადაც თაკომ, გაიმარჯვა და ბევრს საუბრობდნენ იმაზე, რომ თაკომ პლიუს ფონოგრამაზე შეასრულა რამდენიმე სიმღერა.
ისაუბრეს თაკოს გულახდილ ფოტოებზე, სადაც თაკო საცურაო კოსტიუმშია გადაღებული. თაკომ აღნიშნა, რომ მსგავს ფოტოებს უამრავი გოგონა იღებს და ''ფეისბუქზე'' ტვირთავს, ამიტომ ვერ ხვდება, რატომ მოჰყვა მის ფოტოებს აჟიოტაჟი.
ბოლოს მარიტამ თაკოს ის ჭორიც გაახსენა, რომლის მიხედვით, ბიძინა ივანიშვილმა მას ფულიც კი შესთავაზა, რომ ბერა დაევიწყებინა.