ელიზაბედ მეორე დიდი ბრიტანეთის ისტორიაში ყველაზე ხანგრძლივი პერიოდის განმავლობაში იკავებდა მონარქის ტახტს. მისი მონარქობის დღეების რაოდენობამ 23 226-ს მიაღწია, რაც იმას ნიშნავს, რომ მან მისი დიდი ბებიის, დედოფალი ვიქტორიას მონარქობის რეკორდულ პერიოდს გადააჭარბა.
აღნიშნულთან დაკავშირებით დღეს ბრიტანეთის პრემიერ-მინისტრი, დევიდ ქემერონი პარლამენტში გამართულ სპეციალურ ღონისძიებას დაესწრება. მოგვიანებით კიდევ ერთი ღონისძიება გაიმართება მდინარე ტემზაზე.
თავად დედოფალი კი ამ დღეს შოტლანდიაში გაატარებს. ელიზაბეთ მეორემ ბრიტანეთის მონარქის ტახტი 1952 წელს დაიკავა. იგი 89 წლისაა და 63 წელია, რაც დიდი ბრიტანეთის დედოფალია.
