ცნობილი მეცნიერი და აკადემიკოსი შოთა გამყრელიძე გარდაიცვალა
"ფსიქიკური ჯანმრთელობის და ნარკომანიის პრევენციის ცენტრი" ღრმა მწუხარებით იუწყება, რომ გარდაიცვალა ცენტრის თანამშრომელი, ღვაწლმოსილი მეცნიერი, აკადემიკოსი შოთა გამყრელიძე.
ბატონი შოთა დაიბადა 1922 წლის 28 თებერვალს, თბილისში. 1948 წლიდან მოღვაწეობს ფსიქიატრიაში. 1962 წლიდან მისი ხელმძღვანელობით საქართველოში დაიწყო ინტენსიური კვლევები ფსიქო-ნერვული აშლილობების მკურნალობაში, ფსიქოტროპული მედიკამენტების თერაპიული ეფექტურობის შესწავლაში. 1982–2000 წწ. შოთა გამყრელიძე იყო საქართველოს დამოუკიდებელი ფსიქიატრიული ასოციაციის პრეზიდენტი. მისი ინიციატივით, 1996 წელს ქართული ფსიქიატრია მიღებული იქნა მსოფლიო ფსიქიატრიული ასოციაციის წევრად. თეორიულ და პრაქტიკულ ფსიქო-ნევროლოგიაში მოღვაწეობის 65 წლის მანძილზე მას შესრულებული და გამოქვეყნებული აქვს 326 მეცნიერული ნაშრომი, მსოფლიოს რვა ენაზე, მათ შორის 17 მონოგრაფია და 2 სახელმძღვანელო. შოთა გამყრელიძე იყო მეორე მსოფლიო ომის მონაწილე. მიღებული აქვს სამამულო ომის 1-ლი ხარისხის და დიდების მე-3 ხარისხის ორდენები და 12 მედალი. 2012 წელს იგი საქართველოს პრეზიდენტმა ბრწყინვალების ორდენით დააჯილდოვა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
