უნიკალური საბჭოთა მანქანები, რომლებიც არავის უნახავს

საბჭოთა ავტომობილები მართალია მსოფლიო პოპულარობით ვერ დაიკვეხნის, მაგრამ უნიკალური იდეებისთვის ნამდვილად იმსახურებს ყურადღებას. წარმოგიდგენთ რამდენიმე არაორდინალურ ავტომობილს, რომელიც სამწუხაროდ წარმოებაში არ ჩაშვებულა და მხოლოდ ერთი, ან რამდენიმე ერთეული შეიქმნა.

ზის-სპორტი (1939)

სპორტული ავტომობილი მოსკოვში ზის-ის ქარხანაში გამოვიდა. ზის-101-ს სპორტული ვერსია ქარხნის ექსპერიმენტულმა ჯგუფმა შექმნა. მანქანა ახალგაზრდა ინჟინრებმა დაამზადეს, როგორც საჩუქარი დედა სამშობლოს. 1939 წელს პარტკონფერენციაზე მანქანამ სტალინის და კაგანოვიჩის მოწონება დაიმსახურა.

მოსკვიჩი გ-2-405 (1956)

რბოლისთვის შექმნილი ავტომობილი მომავლის მანქანას ჰგავდა, განსაკუთრებით მისი წარმოების წელის გათვალისწინებით. 1956 წლის სპორტულ სეზონზე ამ მანქანით მრბოლელმა ჩვიროვმა სამი სიჩქარის რეკორდი დაამყარა - 223 კმ/ს.

ვაზ X (1990)

ვაზ-ის კონცეპტებიდან ყველაზე მისტიკური მანქანა. ერთადერთი ინფორმაცია ამ ავტომობილზე გახლავთ ის, რომ ასეთ ფუტურისტულ მოდელში დიზაინერებს უნდოდათ 7-ადგილიანი მინივენის ტევადობის შექმნა.

ლადა სამარა ”სან რემო” (1990)

1980-იანი წლების დასასრულს დასავლეთ ევროპაში კაბრიოლეტების ბუმი იყო და საბჭოთა მანქანებისადმი ინტერესი გაჩნდა. პირველ რიგში, ინტერესი მათმა კონკურენტებთან შედარებით საოცრად დაბალმა ფასებმა გამოიწვია. ლადა სამარა ერთ-ერთი საუკეთესო ნიმუშია გვიანი საბჭოთა ავტომშენებლობის.

აზლკ-2144 ”ისტრა” (1988)

აზლკ-ის ქარხანის გამოცდილი ავტომობილი, რომლის ერთადერთი ეგზემპლარი დამზადდა. გააჩნდა უნიკალური ავტომატური ტრანსმისია. ”ისტრამ” ბევრით გაუწრო თავის დროს.