ახმეტის მუნიციპალიტეტის სოფელ ხადორში წყალსაცავში 25 წლის მამაკაცი დაიხრჩო. როგორც "ინტერპრესნიუსს" შინაგან საქმეთა სამინისტროს საგანგებო სიტუაციების მართვის სააგენტოში განუცხადეს, შემთხვევა გუშინ მოხდა. გარდაცვლილი ფოტოს იღებდა რა დროსაც წყალსაცავში ჩავარდა, სავარაუდოდ, ფეხის მოტეხილობა მიიღო და დაიხრჩო.
გარდაცვლილის ახლობლები აცხადებენ, რომ სამაშველო სამსახურმა წყალსაცავთან მისვლა დააგვიანა, თუმცა, როგორც საგანგებო სიტუაციების მართვის სააგენტოში აცხადებენ, ადგილობრივი სამაშველო ჯგუფი შემთხვევის ადგილზე ზარის შესვლისთანავე გავიდა და არანაირი დაგვიანება არ ყოფილა.
