ერევანში სამართალდამცავების დამატებითი ძალებია მობილიზებული

ერევანში სამართალდამცავების დამატებითი ძალებია მობილიზებული

ერევნის ცენტრში, ბაგრამიანის ქუჩაზე, რომელზეც ელექტროენერგიის გაიაფების მოთხოვნით რამდენიმე დღეა საპროტესტო აქცია მიმდინარეობს, პოლიციის დანაყოფები მზადყოფნის უმაღლეს ხარისხში არიან მოყვანილი. ამის შესახებ "Новости-Армения" იუწყება.

ადგილზე, სადაც აქცია იმართება მიყვანილია სპეცდანიშნულების რაზმის დამატებითი ძალები. ამის პარალელურად, ბაგრამიანის ქუჩას მომიტინგეთა რაოდენობა ემატება. სააგენტოების ცნობით, საპროტესტო აქციაზე ოჯახებით მიდიან, მათ შორის ბავშვებთან ერთად.

ცნობილი ხდება, რომ ამ დროისთვის მიმდინარეობს სომხეთის მმართველი პარტიის აღმასრულებელი საბჭოს სხდომა.

საპროტესტო აქცია სომხეთის დედაქალაქში 19 ივნისიდან მიმდინარეობს, რომლის მონაწილეებიც ელექტროენერგიის ტარიფის 20%-ით გაძვირებას აპროტესტებენ, რაც ძალაში 1 აგვისტოდან შევა.

9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს

მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"

პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა