იოსებიძეზე მამაკაცის დაჭრასთან დაკავშირებით გამოძიება 118-ე მუხლით დაიწყო
იოსებიძის ქუჩაზე ახალგაზრდა მამაკაცის დაჭრასთან დაკავშირებით შინაგან საქმეთა სამინისტრომ გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს.
ამის შესახებ "ინტერპრესნიუსს" შსს-ში განუცხადეს. შემთხვევის ადგილზე საგამოძიებო მოქმედებები ამ წუთებშიც მიმდინარეობს. სამართალდამცველებმა დაჭრილი ვალერიან კაციაშვილის ახლობლები, რომლებიც ინციდენტის დროს შემთხვევის ადგილზე იმყოფებოდნენ, დაკითხვაზე გადაიყვანეს.
იოსებიძის ქუჩაზე ცეცხლსასროლი იარაღით დაჭრილი ვალერიან კაციაშვილი რესპუბლიკურ საავადმყოფოშია მოთავსებული და ამ წუთებში სასწრაფო ოპერაცია უტარდება.
როგორც "ინტერპრესნიუსს" დაჭრილის ახლობლებმა განუცხადეს, კაციაშვილს ჭრილობა ფეხში აქვს მიყენებული. მათივე ინფორმაციით, ახალგაზრდა მამაკაცი უბნის სტადიონზე ფეხბურთს თამაშობდა, რა დროსაც მას ესროლეს.
"ცეცხლსასროლი იარაღიდან სამჯერ ესროლეს, ვინც გასროლას ახორციელებდა, ადგილიდან გაიქცა. უბნის ბიჭები დაედევნენ, თუმცა მის კვალს ვერ მიაგნეს",- განაცხადეს რესპუბლიკურ საავადმყოფოში მყოფმა დაჭრილის ახლობლებმა.
როგორც "ინტერპრესნიუსის" მიმდებარე კორპუსების მცხოვრებლებმა განუცხადეს, ინციდენტის ადგილზე გუშინ ახალგაზრდებს შორის ჩხუბი მოხდა და შესაძლოა დღევანდელი შემთხვევა შურისძიებას უკავშირდებოდეს.
იოსებიძის ქუჩა #47-ში მდებარე სკვერში ახალგაზრდა მამაკაცი დღეს, დაახლოებით 23.00 საათზე დაჭრეს. თვითმხილველის თქმით, დანაშაულში ჯერჯერობით დაუდგენელი ორი პირი ფიგურირებს. ვალერიან კაციაშვილს სამი ტყვია ესროლეს, რის შემდეგაც თვითმხილველები შემთხვევის ადგილიდან ავტომანქანით მიიმალნენ. დაჭრილი საავადმყოფოში ახლობლებმა თავიანთი მანქანით გადაიყვანეს. ვალერი კაციაშვილი ამავე უბნის მცხოვრებია.
შემთხვევის დროს სკვერში ბავშვები და ქალებიც იმყოფებოდნენ.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
