როგორ დავიცვათ სახე მზისგან

მზის მავნე ზემოქმედების შესახებ ყველამ იცის, ამიტომ წესად უნდა ვაქციოთ მზის სხივებისგან სახის კანის დაცვა. თუ მზეზე ბევრ დროს გავატარებთ, შესაძლოა გაგვიჩნდეს ნაადრევი ნაოჭები, ყავისფერი ლაქები და კანი გაგვიუხეშდეს.

ამის თავიდან ასაცილებლად:

* უნდა ვერიდოთ მზეზე ყოფნას მისი აქტივობის პიკზე, დღის 11-დან 16 საათამდე.

* არ უნდა დაგვავიწყდეს მზისგან დამცავი კრემის წასმა ორ საათში ერთხელ, ასევე - ბანაობის შემდეგ.

* გარუჯვის შემდეგ წავისვათ დამატენიანებელი კრემი, ლოსიონი, რძე.

მზისგან დამცავი საშუალებები კანზე დადებითად მოქმედებს, ისინი ბუნებრივი კომპონენტებისგანაა დამზადებული, ამიტომ ხელს უწყობს ახალი უჯრედების წარმოშობას. გარდა ამისა, გაღიზიანებისგან იცავს, ანოტივებს, კვებავს, არბილებს და ვიტამინებით ამდიდრებს კანს, რითაც ამუხრუჭებს დაბერების პროცესს. განსაკუთრებული ყურადღება უნდა მივაქციოთ მზისგან სახის დაცვას, რადგან სწორედ სახის კანი განიცდის პრაქტიკულად მთელი დღის განმავლობაში ულტრაიისფერი სხივების მავნე ზემოქმედებას. მას გაზაფხულიდან შემოდგომამდე ყოველდღიური მოვლა სჭირდება. მზისგან დამცავ საშულებებს, როგორც წესი, დაცვის მაღალი დონე აქვს. მათში შედის მზისგან დამცავი ფილტრი, რომელსაც დამწვრობისა და ანთების განვითარების ალბათობა მინიმუმამდე დაჰყავს. სახის მზისგან დამცავი საშუალებების უმეტესობა შეიძლება მაკიაჟის ბაზადაც გამოვიყენოთ. ეს ძალიან მოხერხებულია იმ ქალებისთვის, რომლებსაც ჩახუთულ ქალაქში მთელი ზაფხულის გატარება უწევთ.

გაგრძელება