გაეცანით თბილისის უბნებს, რომლებიც წყალს გრაფიკით მიიღებენ
თბილისის უბნების ნაწილი სასმელ წყალს დღესაც გარკვეული მონაცვლეობით მიიღებს. როგორც "ინტერპრესნიუსს" "ჯორჯიან უოთერ ენდ ფაუერიდან" აცნობეს, მიზეზი არაგვის ხეობაში რამდენიმედღიანი კოკისპირული წვიმა და წყალდიდობაა, რაც პრობლემას უქმნის "ჯორჯიან უოთერ ენდ ფაუერის" არაგვის ხეობაში მდებარე სათავე ნაგებობების გამართულად ფუნქციონირებას.
მათივე ინფორმაციით, აღნიშნულის გათვალისწინებით, დღეს, 8 ივნისს, 16:00 საათიდან 00:00 საათამდე (ღამის 12 საათი) წყალს მიღებენ თემქის III, მუხიანისა და გლდანის მიკრორაიონები და მათი მიმდებარე დასახლებები. ხოლო, დღეს, 12:30 საათიდან 00:00 საათამდე (ღამის 12 საათი) წყალმომარაგება შეუწყდება: საბურთალოზე: ვაჟა-ფშაველას კვარტლებს, ნუცუბიძის ქუჩასა და მიკრორაიონებს, ქავთარაძის, ჯიქიას, გამრეკელის, ზაქარიაძისა და მათი მიმდებარე ქუჩებს. ვაკეში: წყნეთის გზატკეცილს, ჭავჭავაძის გამზირის ნაწილსა და მის მიმდებარე ქუჩებს, ასევე, მთაწმინდის რაიონის ქუჩების ნაწილს.
წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ "ჯორჯიან უოთერ ენდ ფაუერის" ოფიციალურ Facebook-გვერდზე და ვებგვერდზე georgianwater გადაუდებელი ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ) და ვებგვერდის ინტერნეტ-ჩეთს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
