ქუთაისში განახლებული თამარ მეფის ქუჩა დაიტბორა

ძლიერი წვიმის შედეგად, ქუთაისში თამარ მეფის ქუჩის მონაკვეთი დაიტბორა. ადგილობრივები განმარტავენ, რომ ქუჩაზე წყლის მილი ერთდროულად რამდენიმე ადგილზეა დაზიანებული.

თამარ მეფის ქუჩის პირველი ეტაპის რეაბილიტაცია რამდენიმე კვირის წინ დასრულდა. ქუჩის რეაბილიტაცია შპს "დაგი+"-მა განახორციელა, რისთვისაც ბიუჯეტიდან 1 950 000 ლარი დაიხარჯა.

ქუთაისის მერიაში აცხადებენ, რომ თამარ მეფის ქუჩაზე ბეტონის საფარის დაგება მას შემდეგ მოხდა, რაც წყალმომარაგების კომპანიამ შესრულებული სამუშაოების დასრულების დოკუმენტაცია წარმოადგინა.

იხილეთ ვრცლად

kutaisipost.ge