ამერიკის სახელმწიფო მდივანმა ჯონ ქერიმ ფეხი მოიტეხა

საფრანგეთში ველოსიპედით სეირნობისას, ამერიკის სახელმწიფო მდივანმა ჯონ ქერიმ ფეხი მოიტეხა. ამის შესახებ სააგენტო "რია ნოვოსტი" დიპლომატიურ წრეებში წყაროზე დაყრდნობით იუწყება.

"ადამიანმა, რომელიც ქერის თან ახლდა, მითხრა, რომ ქერიმ ფეხი მოიტეხა", - განუცხადა სააგენტოს წყარომ. მანვე აღნიშნა, რომ ტრავმის გამო სახელმწიფო მდივანი ალბათ, მადრიდში ვიზიტს გადადებს.

ამერიკის სახელმწიფო მდივანი ჯონ ქერი ჰოსპიტალიზებულია. "როიტერის" ინფორმაციით, ქერი ვერტმფრენით ჟენევის უნივერსიტეტის ჰოსპიტალში მას შემდეგ გადაიყვანეს, რაც საფრანგეთში ყოფნისას ქალაქ სონზიეში ის ველოსიპედიდან გადმოვარდა. ამერიკის სახელმწიფო დეპარტამენტის განცხადებით, ამ დროისთვის სახელმწიფო მდივნის მდგომარეობა სტაბილურია. სხვა დეტალები უცნობია.

"ინტერპრესნიუსი"