მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კახა ბენდუქიძის აქამდე უცნობი უნიკალური ფოტოები, რომლებიც ბენდუქიძის დამ ეროვნულ ბიბლიოთეკას გადასცა
05:58 / 20-04-2015
კახა ბენდუქიძის დამ, ნუნუ ბენდუქიძემ ეროვნული ბიბლიოთეკას ძმის უნიკალური ელექტრონული ფოტოარქივი გადასცა, სადაც კახა ბენდუქიძის საზოგადოებისთვის დღემდე უცნობი უამრავი ფოტოა თავმოყრილი.
ბენდუქიძეების არქივი ეროვნულ ბიბლიოთეკაში "ციფრული ფოტომატიანის" ფარგლებში აღმოჩნდა, როცა ცნობილი და არა მარტო ცნობილი ოჯახები, საკუთარ ისტორიულ ფოტოებს ეროვნული ბიბლიოთეკის თანამედროვე საბიბლიოთეკო ტექნოლოგიების ცენტრს გადასცემენ, სადაც შემდეგ უნიკალური სურათების გაციფრება და დაარქივება ხდება.
კახა ბენდუქიძე 1956 წლის 20 აპრილს თბილისში დაიბადა. დაამთავრა 55-ე საშუალო სკოლა, 1977 წელს კი სახელმწიფო უნივერსიტეტის ბიოლოგიის ფაკულტეტი. შემდგომ მოსკოვის სახელმწიფო უნივერსიტეტის ასპირანტურაში ჩაირიცხა. 1981 წლიდან ბენდუქიძე ჯერ მეცნიერებათა აკადემიის მიკროორგანიზმთა ბიოქიმიისა და ფიზიოლოგიის ინსტიტუტში მუშაობდა, შემდეგ ბიოტექნოლოგიის ინსტიტუტში ლაბორატორიის გამგედ. მისი კვლევები ეძღვნებოდა გენური ინჟინერიის ტექნოლოგიებისა და რეკომბინანტული ვაქცინების შექმნას.
1990 წლიდან სამეწარმეო საქმიანობა დაიწყო და ჩაერთო რუსეთის ინდუსტრიის რესტრუქტურიზაციის პროცესში. 1996 წელს შექმნა მძიმე ინდუსტრიის ერთ-ერთი დიდი კომპანია - "გაერთიანებული მანქანათმშენებელი ქარხნები". 2004 წლამდე კი კომპანიის დირექტორთა საბჭოს თავმჯდომარე და გენერალური დირექტორი გახლდათ... 2004 წლის დასაწყისში აქტიურ ბიზნესსაქმიანობას ჩამოშორდა და საქართველოს მთავრობის წევრი გახდა (ეკონომიკის მინისტრი). 2007 წელს დააფუძნა საქველმოქმედო ორგანიზაცია "ცოდნის ფონდი". იყო თბილისის თავისუფალი უნივერსიტეტისა და საქართველოს აგრარული უნივერსიტეტის სამეთვალყურეო საბჭოს თავმჯდომარე...
კახა ბენდუქიძე 2014 წლის 13 ნოემბერს, ლონდონის ერთ-ერთ სასტუმროში, გულის უკმარისობით გარდაიცვალა. მანამდე იგი სამკურნალოდ შვეიცარიაში იმყოფებოდა... შემდგომ ექიმმა ფრენის ნება დართო, თუმცა, ლონდონში ჩაფრენის შემდეგ, სასტუმროში შეუძლოდ გახდა და გარდაიცვალა...
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
