ხულოში ჰესის მშენებლობაზე ორი ადამიანი გარდაიცვალა

ხულოს მუნიციპალიტეტში ჰიდროელექტროსადგურის მშენებლობის დროს უბედური შემთხვევის შედეგად ორი ადამიანი გარდაიცვალა. დაღუპულები არიან მშენებლობაზე დასაქმებული, სოფელ ღურტაში მცხოვრები პ. ი და თურქეთის მოქალაქე.

როგორც "ინტერპრესნიუსს" ხულოს მოსახლეობამ აცნობა, შემთხვევის შედეგად მძიმედ დაზიანდა კიდევ ერთი ადამიანი, რომელიც მრავლობითი დაზიანებებით საავადმყოფოში გადაიყვანეს.

"ამწემ სიმძიმეს ვერ გაუძლო, ტვირთმა გადაძლია და ხარაჩოებს დაეჯახა. ხარაჩოზე იმყოფებოდა სამი ადამიანი. მძიმე დაზიანებების გამო ორი ადგილზე გარდაიცვალა, ხოლო ერთი ქვედა კიდურების მოტეხილობითა და სხვა დაზიანებებით საავადმყოფოში გადაიყვანეს", - აცხადებენ ხულოს მუნიციპალიტეტის მცხოვრებლები.

ხულოს მუნიციპალიტეტში ჰიდროელექტროსადგურის მშენებლობა გასულ წელს დაიწყო.

"ინტერპრესნიუსი"