12 წლის ბავშვი ტრაილერის დაჯახების შედეგად გარდაიცვალა

ხაშურში ავტოსაგზაო შემთხვევის შედეგად 12 წლის ბავშვი დაიღუპა. როგორც "ინტერპრესნიუსს" შინაგან საქმეთა სამინისტროში განუცხადეს, ხაშურის მაგისტრალზე მოძრავი ტრაილერი 2 არასრულწლოვანს დაეჯახა, ერთი მათგანი გარდაიცვალა, ერთი კი საავადმყოფოშია მოთავსებული.

მათივე ინფორმაციით, მომხდართან დაკავშირებით გამოძიება 276-ე მუხლის მეხუთე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპულატაციის წესის დარღვევას, რამაც გარდაცვალება გამოიწვია.

"ინტერპრესნიუსი"