მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ზაქარია ქუცნაშვილი:"ზაქარია ყოველთვის სიმართლეს ეუბნება საზოგადოებას"
03:59 / 12-02-2015
ზაქარია ყოველთვის სიმართლეს უებნება საზოგადოებას, ბევრი სხვა უპასუხისმგებლო პოლიტიკოსისგან განსხვავებით, - ამის შესახებ უზენაესი სასამართლოს თავმჯდომარეობის კანდიდატმა ზაქარია ქუცნაშვილმა საკუთარი ხედვის პრეზენტაციამდე ჟურნალისტებს შეკითხვის საპასუხოდ განუცხადა. კითხვა კი ასეთი იყო - თუკი უმრავლესობა პრეზიდენტთან შეთანხმებული იყო პრინციპზე, რომ კანდიდატი აპოლიტიკური ფიგურა უნდა ყოფილიყო, რატომ მოხდა ქუცნაშვილის დასახელება.
"რაც განვაცხადე რამდენიმე დღის წინ, დაადასტურეს დიმიტრი ხუნდაძემ, ელისო ჩაფიძემ და 16-მა დეპუტატმა. ზაქარია ყოველთვის სიმართლეს ეუბნება საზოგადოებას, ბევრი სხვა უპასუხისმგებლო პოლიტიკოსისგან განსხვავებით, რომლებიც უმრავლესობის სახელით კადრულობენ მოლაპარაკებებს და ამ დროს უმრავლესობის წევრებს ვერ აყენებენ საქმის კურსში. სიმართლე დადასტურებულია, თუკი კიდევ ვინმეს მეტი დეპუტატის აზრის გაგონება სურს, კითხონ იყო თუ არა ეს საკითხი უმრავლესობის ფორმატში განხილული და შეჯერებული", - განაცხადა ზაქარია ქუცნაშვილმა.
მისი თქმით, პარლამენტი არ არის არის ნოტარიუსთა პალატა და მერვე მოწვევის პარლამენტის წევრები წარმოადგნენ თავისუფალ არჩევნებში გამარჯვებულ პარლამენტარებს. "თუ პარლამენტის წევრი საკუთარ უფლებებს ვერ დაიცავს, ის ვერ დაიცავს ხალხის უფლებებს. შეშინებული პარლამენტარი თავისუფალ ქვეყანას ვერ ააშენებს. ეს არის ჩვენი კრედო", - განაცხადა ქუცნაშვილმა. იგი ვიცე-სპიკერ მანანა კობახიძის მიერ გაკეთებულ განცხადებასაც გამოეხმაურა კანდიდატის კრიტერიუმებზე პოლიტსაბჭოში არსებულ შეთანხმებასთან დაკავშირებით. ზაქარია ქუცნაშვილის განცხადებით, პოლიტსაბჭო არ არის საქართველოს პარლამენტი.
"გადაწყვეტილებას იღებს საქართველოს პარლამენტი და არა პოლიტსაბჭო. ეს არ არის ერთი პარტიის გადასაწყვეტი თემა. ეს არის უმრავლესობის გადასაწყვეტი და იმ პარტიის, რომელსაც წარმოადგენს პარლამეტში - "ქართული ოცნება". არავის აქვს გადაწყვეტილების მონოპოლზების უფლება. თუ გვინდა ისევ მერვე მოწვევის პარლამენტი იყოს მეშვიდე მოწვევის პარლამენტის მსგავსი სანოტარო პალატა, მაშინ დაუკარით ტაში", - განაცხადა ქუცნაშვილმა.
"ინტერპრესნიუსი"
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
საქართველოს უზენაესი სასამართლოს თავმჯდომარის კანდიდატურის შერჩევის პროცესს უმრავლესობის ერთი ნაწილი საგანგებო მიმართვით და ხელმოწერებით ეხმაურება. უმრავლესობის 18 დეპუტატი პრეზიდენტ მარგველაშვილთან კონსულტაციების შედეგად შეჯერებულ კრიტერიუმებს აპროტესტებს. მათი განცხადებით, კანდიდატურის არაკონსტიტუციური კრიტერიუმით შერჩევა ხდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
