რა გახდა ვაგზლის მოედანთან ლელა ავლოხაშვილის გარდაცვალების მიზეზი - ექსპერტიზის პირველადი დასკვნა

ექსპერტიზის მიერ ჩატარებული პირველადი დათვალიერებით დგინდება, რომ 43 წლის ლელა ავლოხაშვილი ვაგზლის მოედანთან, საკუთარ სალხში ბუნებრივი სიკვდილით გარდაიცვალა, - ამის შესახებ "ინტერპრესნიუსს" შინაგან საქმეთა სამინისტროდან აცნობეს.

მათი ინფორმაციით, პირველადი დათვალიერებით დადგინდა, რომ 43 წლის ქალბატონი ბუნებრივი სიკვდილით, გულ-სისხლძარღვთა უკმარისობით გარდაიცვალა.

"დღეს გავრცელდა ინფორმაცია 43 წლის ლელა ავლოხაშვილის შესახებ, რომელიც ვაგზლის მოედანთან, საკუთარ საცხოვრებელ სახლში გარდაცვლილი იპოვეს. სამხარაულის სახელობის სასამართლო-სამედიცინო ექსპერტიზის მიერ ჩატარებული პირველადი დათვალიერებით დგინდება, რომ ლელა ავლოხაშვილი ბუნებრივი სიკვდილით, გულ-სიხლძარღვთა უკმარისობით გარდაიცვალა. ექსპერტიზის საბოლოო დასკვნის შედეგი 1 თვეში გახდება ცნობილი", - აცხადებენ შსს-ში.

43 წლის ქალბატონი დღეს ვაგზლის მიმდებარე ტერიტორიაზე საკუთარ სახლში გარდაცვლილი იპოვეს. ვრცელდებოდა ინფორმაცია, რომ ქალბატონი მძარცველებმა საკუთარ სახლში გაგუდეს, ბინიდან კი ფული და ოქროს სამკაულები წაიღეს.

ბოლო განახლება: რას ყვებიან კლდიაშვილის ქუჩაზე მოკლულ გარემოვაჭრე ქალზე