რას ყვებიან კლდიაშვილის ქუჩაზე მოკლულ გარემოვაჭრე ქალზე

თბილისში, კლდიაშვილის ქუჩაზე გარდაცვლილი ქალის მეზობლები ყვებიან, რომ მათ ლელა ავლოხაშვილის ბინიდან ხმაური არ გაუგიათ.

როგორც "ინტერპრესნიუსთან" საუბრისას გარდაცვლილი გარმოვაჭრის მეზობლები ყვებიან, მომხდარის შესახებ დილით გაიგეს, თუმცა რა იყო გარდაცვალების მიზეზები, ამის თქმა უჭირთ.

"ქმართან ერთად ცხოვრობდა. სამსახურში დილით ადრე გადიოდა და ოთახში გამთენიისას სინათლე ანთებული ქონდა ხოლმე. როდესაც დღეს გამოვედი სახლიდან, შუქი ანთებული არ ქონდა. შემდეგ მითხრეს, რომ გარდაცვლილი იპოვეს სახლშიო", - ამბობს გარდაცვლილი გარემოვაჭრის მეზობელი.

მისივე ინფორმაციით, გარდაცვლილის მეუღლე სამართალდამცავებმა დასაკითხად უკვე წაიყვანეს.

გარდაცვლილი ქალბატონის სახლთან ამჟამად სამართალდამცავები იმყოფებიან.

ინფორმაცია თბილისში, კლდიაშვილის ქუჩაზე ქალის გარდაცვალების შესახებ დღეს გავრცელდა. ლელა ავლოხაშვილი ვაგზლის მოედნაზე გარემოვაჭრე იყო, სხვა გარემოვაჭრეები ყვებიან, რომ იგი ჯერ გაძარცვეს და შემდეგ მოკლეს.

"ინტერპრესნიუსი"