გიუმრიში ავეტისიანების ოჯახის ამოხოცვაში ბრალდებული რუსი ჯარისკაცის გადაცემის მოთხოვნით აქცია გაიმართება

სომხეთის ქალაქ გიუმრიში, რუსეთის სამხედრო ბაზასთან ადგილობრივი მოსახლეობა დღეს მორიგ აქციას გამართავს. სომხური მედიის ინფორმაციით, გიუმრის მცხოვრებლები სამხედრო ბაზის ხელმძღვანელობისგან რუსი სამხედროს ვალერი პერმიაკოვის სომხური მხარისთვის გადაცემას მოითხოვენ. არსებული ინფორმაციით, გუშინ გიუმრიში, რუსეთის სამხედრო ბაზასთან შეკრებილებმა პოლიციის ჯაჭვი გაარღვიეს და ბაზის საკონტროლო-გამშვებ პუნქტამდე მივიდნენ, სადაც პოლიციელებსა და აქციის მონაწილეებს შორის შეტაკება მოხდა. აქცია შირაქის ოლქის პროკურორთან რამდენიმესაათიანი მოლაპარაკებების შედეგად დაიშალა. რუსი სამხედრო ვალერი პერმიაკოვი გიუმრიში, ავეტისიანების 6-კაციანი ოჯახის ამოხოცვაშია ეჭვმიტანილი.

"ინტერპრესნიუსი"