''მე და ნუკი კოშკელიშვილმა დავხოცეთ ერთმანეთი...''

ალბათ, გახსოვთ ჩვენი ბავშვობის თამაში ''ნამიოკობანა'', რომელიც ცხოვრებაში ერთხელ მაინც გექნებათ ნათამაშები, ყოველ შემთხვევაში შედარებით ახალი თაობის წარმომადგენლებს. ''პალიტრა TV''-ზე მალე სწორედ ამ ტიპისა და შინაარსის გადაცემას შემოგთავაზებენ, სახელად ''მიმიხვდი''. გადაცემაში მონაწილეობას ორ-ორი პოპულარული მონაწილისგან დაკომპლექტე-ბული სამი წყვილი მიიღებს, გაიმართება ფინალიც, სადაც საუკეთესო ''ამხსნელები'' მოიყრიან თავს. დავალება კი არც ისე მარტივია, თქვენს მეწყვილეს უნდა აუხსნათ სიტყვა, რომელიც შეგხვდებათ. გადაცემის წამყვანი თამთა ასათიანი გახლავთ, პირველ ჩაწერაზე თავადაც ძალიან იხალისა და გამშველებლის ფუნქციას იკისრა.

თამთა:

- ახალ გადაცემას გთავაზობთ, ახალსა და სახალისოს სახელად ''მიმიხვდი''. დარწმუნებული ვარ, მოთამაშეებიც და მაყურებლებიც ძალიან გაერთობიან. კალათაში მოთავსებული გვაქვს ცნობილი ადამიანების, პერსონაჟების, გმირების სახელები და მონაწილეებმა ერთმანეთს უნდა აუხსნან. პირველ ტურში შეუძლიათ სიტყვებით, სიმღერით აუხსნან, მეორე ტურში მხოლოდ ერთი სიტყვით უნდა მიახვედრონ, მესამეში კი - ხელებით, ფეხებით, ცეკვით ან მიმიკით. ირგებენ როგორც გამომცნობის, ისე ამხსნელის როლს. სწორი პასუხისთვის თითო ქულას იღებენ. გამოვლინდება სეზონის გამარჯვებული, რომელიც პრიზად მოგზაურობას მიიღებს.

- ვიცი, რომ ძალიან აზარტული იყო პირველივე გადაცემის ჩაწერა.

- გადაცემას რომ ვწერდით და ვუყურებდი, რა დღეში იყვნენ კონკურსანტები, მეც გამიჩნდა მონაწილეობის სურვილი. იყო კურიოზული მომენტებიც. ონისე ონიანი და ეკა ნიჟარაძე, თამუნა მუსერიძე და მარკუს მეტრეველი, ნუკი კოშკელიშვილი და ნიკა ვადაჭკორია ეჯიბრებოდნენ ერთმანეთს. ნუკის მოუწია ოთხით სიარული, რომ მეწყვილისთვის მიეხვედრებინა, კენტავრს განვასახიერებო. ძალიან მონდომებულად უხსნიდა. მიახვედრა თუ არა, გადაცემაში ნახავთ. ონისე ონიანს მოუწია შალვა ნათელაშვილის განსახიერება. მიუხედავად ხალისისა, იმდენად შევიდნენ ეშხში, რომ ცოტა ბრაზდებოდნენ. თამუნა ეკამათა ნუკის საჯარიმო ქულებზე. ბოლოს ქართულის სპეციალისტთანაც კი დავრეკეთ კონსულტაციისთვის (იღიმის).

ერთი გამარჯვებული უკვე გადავიდა ნახევარფინალში და ამას გადაცემაში ნახავთ, რომელიც 21 ნოემბერს საღამოს 21 საათსა და 45 წუთზე გავა ''პალიტრა TV''-ს ეთერში.

იხილეთ გაგრძელება