სოფლის რწმუნებული, სადაც პოლიცია მე-8 კლასელი ბიჭების მიერ მე-7 კლასელი გოგონას შესაძლო გაუპატიურების ფაქტს იკვლევს, დანაშაულში ეჭვმიტანილი მოძალადე არასრულწლოვნების ოჯახების სოფლიდან გასახლებას ითხოვს.
რწმუნებულის თქმით, გოგონას მოძალადეები სკოლის უკან ტერიტორიაზე აუპატიურებდნენ.
"საშინელი ფაქტი მოხდა. ყველა შეძრწუნებულია მომხდარით. მე მზად ვარ, როგორც სოფლის ხელმძღვანელი ხალხთან ერთად გამოვიდე და მოძალადე არასრულწლოვნების ოჯახები სოფლიდან გავასახლოთ. თურმე ბავშვი სკოლის უკან, სამოსახლო ნაკვეთებში მიჰყავდათ და იქ აუპატიურებდნენ", - განუცხადა კახეთის საინფორმაციო ცენტრს სოფლის რწმუნებულმა.
