ბრაზილიის პრეზიდენტად კვლავ დილმა რუსეფი აირჩიეს

ბრაზილიის პრეზიდენტად დილმა რუსეფი მეორე ვადით აირჩიეს. "ბიბისის" ინფორმაციით, საპრეზიდენტო არჩევნების მეორე ტურში დილმა რუსეფმა არჩევნებში მონაწილეთა ხმების 51% მიიღო. ოფიციალური მონაცემებით, ბრაზილიის პრეზიდენტის მეტოქეს, მემარჯვენე ცენტრისტს აესიუ ნევესს არჩევნებში მონაწილეთა 48%-მა დაუჭირა მხარი.

"მინდა იმაზე უკეთესი პრეზიდენტი ვიყო, ვიდრე აქამდე ვიყავი", - აღნიშნა საპრეზიდენტო არჩევნების შედეგების გამოცხადების შემდეგ დილმა რუსეფმა. დილმა რუსეფი ბრაზილიის პრეზიდენტად პირველად 2010 წელს აირჩიეს. ქვეყნის ღარიბ მოსახლეობას შორის მხარდაჭერა მან სოციალური პროგრამების გატარებით მოიპოვა.