გასული დღე-ღამის განმავლობაში მთიანი ყარაბაღის კონფლიქტის ზონაში ცეცხლის შეწყვეტის რეჟიმი სულ მცირე 30-ჯერ დაირღვა. აზერბაიჯანის თავდაცვის სამინისტროს ინფორმაციით, სომხეთის შეიარაღებულმა ძალებმა, სომხეთის სოფელ აიგეპარის მხრიდან ცეცხლი გაუხსნეს აზერბაიჯანელი სამხედროების პოზიციებს. აზერბაიჯანის თავდაცვის უწყების ცნობით, აზერბაიჯანულმა მხარემ საპასუხო ცეცხლი გახსნა. ინფორმაცია დაშავებულების შესახებ ამ დრომდე არ გავრცელებულა.