მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
შსს საჯარო სივრცეში ალკოჰოლის მიღებასთან დაკავშირებულ რეგულაციებს განმარტავს
05:31 / 12-09-2014
შინაგან საქმეთა სამინისტროს ადმინისტრაციის იურიდიული სამმართველოს უფროსი საჯარო სივრცეში ალკოჰოლის მიღებასთან დაკავშირებულ რეგულაციებზე განმარტებას აკეთებს.
ალკოჰოლის მოხმარების წესებს ადმინისტრაციულ სამართალდარღვევათა კოდექსის 171 მუხლი განსაზღვრავს. ზვიად ოქროპირიძის თქმით, ცვლილებები ამ მუხლში 2013 წლის ნოემბერში შევიდა.
"ცვლილებებით მოხდა რეგულაციების დახვეწა და შესაბამისობაში მოვიდა ეს მუხლები თუ ჩანაწერები საერთაშორისო პრაქტიკასთან. ამ მუხლის პირველი ნაწილის მიხედვით, ადმინისტრაციული წესით ისჯება ალკოჰოლური სასმელების სმა სტადიონზე, სკვერში, ყველა სახის საზოგადოებრივ ტრანსპორტსა და საზოგადოებრივი თავშეყრის ადგილებში. ასეთ ადგილად შეიძლება ჩაითვალოს ნებისმიერი საჯარო ანუ ღია სივრცე, სადაც შეიძლება შეიკრიბოს ორი ან მეტი პირი. მაგალითად: ქუჩა, გაჩერების პუნქტები, ტროტუარები, გადასასვლელები, ხიდები, გვირაბები, სადარბაზოები, კორპუსის მიმდებარე ტერიტორია", - განაცხადა ზვიად ოქროპირიძემ.
მისი თქმით, პირველ შემთხვევაში პასუხისმგებლობა გათვალისწინებულია 50-150 ლარამდე ოდენობით ჯარიმით, ხოლო განმეორებით შემთხვევაში – 500 ლარამდე ოდენობით ან დამატებით 15 დღემდე ვადით პატიმრობით.
"ეს მუხლი არ ვრცელდება სავაჭრო-საზოგადოებრივი კვების საწარმოების და იმ ადგილებზე, სადაც ალკოჰოლური სასმელის ჩამოსხმით გაყიდვა არის ნებადართული", - განაცხადა ზვიად ოქროპირიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
