თბილისის მერიასთან სასწრაფო დახმარების გამოძახება გახდა საჭირო

დედაქალაქის მერიის შენობასთან სასწრაფო სამედიცინო სამსახური გამოიძახეს. როგორც Ambebi.ge-ს კორესპონდენტი იუწყება, მერიის შენობასთან სასწრაფო მას შემდეგ გამოიძახეს, რაც ერთი ქალბატონი შეუძლოდ გახდა.

შენობასთან ასევე მობილიზებულია საპატრულო პოლიცია და დედაქალაქის მერიის დაცვის სამსახურის თანამშრომლები.

თბილისის მერი დავით ნარმანია დღეს მოსახლეობასთან შეხვედრას მართავს. როგორც მერიის წინ შეკრებილები აცხადებენ, სიები, რომლებიც დილით შედგა, აირია და დედაქალაქის მერთან შეხვედრის მსურველები ნარმანიასთან შესახვედრად შენობაში ვერ შედიან.

დავით ნარმანია მოსახლეობასთან შეხვედრას რამდენიმე წუთში დაიწყებს.