"ჯიმ მორისონი ჩემმა ბოიფრენდმა მოკლა”

მომღერალმა მარიან ფეიტფულმა განაცხადა, რომ 1971 წელს, მისი მაშინდელი ბოიფრენდია პასუხისმგებელი ჯიმ მორისონის სიკვდილზე. ფეიტფულის თქმით, ჯგუფ The Doors-ს სოლისტს ჰეროინი, რომლის გადამეტებული დოზითაც მორისონი გარდაიცვალა, ნარკოდილერმა ჟან დე ბრიტიულმა მიყიდა.

”ის ჯიმის სანახავად წავიდა და მოკლა, დარწმუნებული ვარ, ეს შემთხვევითობა იყო. საწყალი ნაბიჭვარი. ნარკოტიკი ძალიან ძლიერი იყო და შედეგად ჯიმი მოკვდა. სხვა არაფერი ვიცი. ყველა, ვინც მის სიკვდილთან კავშირში იყვნენ, უკვე მკვდარია ჩემს გარდა".

ფეიტფულმა აგრეთვე ისაუბრა ემი ვაინჰაუსზე, რომელიც მორისონის მსგავსად, 27 წლის ასაკში გარდაიცვალა ნარკოტიკის გადაჭარბებული დოზით. ”ემი ძალიან მიფრთხოდა, იცოდა, რომ მისი დამოკიდებულების შესახებ ვიცოდი და არ უნდოდა, რომ რაიმე მეთქვა. არც კი ვიცი, რა უნდა გამეკეთებინდა იმის გარდა, რომ შემენჯღრია და მეთქვა, რომ გამოფხიზლებულიყო” - განაცხადა ფეიტფულმა.