მინსკის ჯგუფის თანათავმჯდომარეები სომხეთსა და აზერბაიჯანს მშვიდობისკენ მოუწოდებენ

მინსკის ჯგუფის თანათავმჯდომარეები სომხეთსა და აზერბაიჯანს მშვიდობისკენ მოუწოდებენ. იგორ პოპოვმა, ჯეიმს უირლიკმა და პიერ ენდრიუმ, ასევე ეუთო-ს მოქმედმა თავმჯდომარემ დიდიე ბურკჰალტერმა გამოაქვეყნეს მიმართვა სომხეთისა და აზერბაიჯანის პრეზიდენტებისადმი, სადაც შეშფოთება გამოთქვეს ბოლო დღეების განმავლობაში მთიან ყარაბაღში განვითარებული მოვლენების გამო.

ეუთო-ს წარმომადგენლები სომხეთსა და აზერბაიჯანს მოუწოდებენ, სასწრაფოდ მიიღონ ზომები დაძაბულობის შესამცირებლად და დაიცვან ცეცხლის შეწყვეტის რეჟიმი. ასევე, თანათავმჯდომარეებმა მკაცრად გააკრიტიკეს წითელი ჯვრის საერთაშორისო კომიტეტის მანქანის დაცხრილვა სომხეთ-აზერბაიჯანის საზღვარზე და აღნიშნეს, რომ ეს ფაქტი ჟენევის კონვენციის დარღვევას წარმოადგენს.