მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
იაპონია საქართველოს 5 მილიონ დოლარს გამოუყოფს
03:16 / 17-06-2014
იაპონია საქართველოს არასაპროექტო საგრანტო დახმარების სახით 5 მილიონ დოლარს გამოუყოფს. ურთიერთგაცვლით ნოტებზე ხელმოწერის ცერემონია, რომელიც შეეხება 500 000 000 იაპონური იენის (დაახლოებითი 5 მილიონი აშშ დოლარი) საქართველოსთვის უზრუნველყოფას არასაპროექტო საგრანტო დახმარების სახით ხვალ საქართველოს ფინანსთა სამინისტროში გაიმართება.
ურთიერთგაცვლით ნოტებსა და შესაბამის დოკუმენტაციას იაპონიის საგანგებო და სრულუფლებიანი ელჩი საქართველოში ტოშიო კაიტანი და საქართველოს ფინანსთა მინისტრი ნოდარ ხადური მოაწერენ ხელს. ღონისძიებას შრომის, ჯანმრთელობისა და სოციალური დაცვის მინისტრი დავით სერგეენკოც დაესწრება.
როგორც იაპონიის საელჩოში განმარტავენ, აღნიშნული არასაპროექტო საგრანტო დახმარება გამიზნულია სამედიცინო, სოციალური დახმარების აღჭურვილობის, ასევე, სხვა მსგავსი აღჭურვილობის და მომსახურების შესაძენად. მოსალოდნელია, რომ საგრანტო დახმარების განხორციელება თავის წვლილს შეიტანს საქართველოს სამედიცინო და სოციალური უზრუნველყოფის სერვისების გაუმჯობესებაში.
იაპონიამ საქართველოს მთავრობასთან თანამშრომლობით განახორციელა ოფიციალური განვითარების დახმარების ფარგლებში (ODA) სხვადასხვა მიმართულების პროექტები საგრანტო დახმარების, ტექნიკური თანამშრომლობისა და ოფიციალური განვითარების დახმარების (ODA) სესხის სახით. იაპონიის მიერ ოფიციალური განვითარების დახმარებამ საქართველოს მიმართ შეადგინა 369 მილიონი აშშ დოლარი, რომელიც მოიცავს ფართო სპექტრს ისეთი მიმართულებებით, როგორებიცაა ეკონომიკური ინფრასტრუქტურის გაუმჯობესება, სოფლის მეურნეობა და სოციალური სექტორი, კულტურა და ადამიანური რესურსების განვითარება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
