თვის ბოლომდე ხანმოკლე წვიმებია მოსალოდნელი
საქართველოში თვის ბოლომდე, მათ შორის - 21-22 მაისს კვლავ ხანმოკლე წვიმაა მოსალოდნელი. როგორც "ინტერპრესნიუსს" გარემოს ეროვნული სააგენტოს გრძელვადიანი პროგნოზების ბიუროს უფროსის მოადგილემ, ნინო წვერავამ განუცხადა, თბილისში დღის მეორე ნახევრიდან წვიმაა მოსალოდნელი. დღეს ასევე იწვიმებს საქართველოს უმეტეს რაიონებში. ამასთან, ქვეყნის მთელ ტერიტორიაზე ხანმოკლე წვიმა მოსალოდნელია 22 მაისსაც.
23 მაისიდან საქართველოში გამოიდარებს და 25 მაისის ჩათვლით უმეტესწილად უნალექო ამინდი იქნება. 25 მაისის შემდეგ თვის ბოლომდე სინოპტიკოსები ქვეყნის მთელ ტერიტორიაზე პერიოდულად ხანმოკლე წვიმებს ვარაუდობენ.
თბილისში ჰაერის ტემპერატურა ხვალ, 22 მაისს - 17 გრადუსი იქნება, ხოლო 23 მაისს - 23 გრადუსი; 24 მაისს კი 27 გრადუსი.
დასავლეთ საქართველოში ჰაერის საშუალო ტემპერატურა 23-30 გრადუსი, ხოლო აღმოსავლეთ საქართველოში - 23-28 გრადუსია მოსალოდნელი.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
