გამოკითხულთა უმრავლესობა ბიძინა ივანიშვილის მიერ გიორგი მარგველაშვილის კრიტიკას არ ამართლებს
NDI-ის კვლევის თანახმად, ყოფილი პრემიერ-მინისტრის, ბიძინა ივანიშვილის მიერ პრეზიდენტ გიორგი მარგველაშვილის კრიტიკას გამოკითხულთა უმრავლესობა არ ამართლებს.
კითხვაზე, ამართლებს თუ არა ბიძინა ივანიშვილის მიერ მარგველაშვილის კრიტიკას, გამოკითხულთა 40% პასუხობს, რომ არ ამართლებს, 35% - ამართლებს, არ იცის - 24%-მა.
ამასთან, აღსანიშნავია, რომ ყოფილი პრემიერის მარგველაშვილისადმი კრიტიკას ყველაზე მეტად თბილისში ამართლებენ - 41%, ხოლო 38 % არ ამართლებს.
გარდა ამისა, NDI-მ მოქალაქეებსაც დაუსვა შეკითხვა, იცოდნენ თუ არა მათ ბიძინა ივანიშვილის მიერ მარგველაშვილის კრიტიკის შესახებ, 73 პროცენტმა ამის შესახებ იცოდა, 21%-მა არ იცოდა, ხოლო 6%-მა კითხვაზე პასუხი არ გასცა.
კვლევის საველე სამუშაოები 26 მარტიდან 18 აპრილის პერიოდში ჩატარდა და 3 942 ადამიანი გამოიკითხა.
იხილეთ ასევე:
- გამოკითხულთა უმრავლესობა მიიჩნევს, რომ საპარლამენტო არჩევნების შემდეგ კრიმინალი იგივე დარჩა
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
