მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბიძინამ ეკლესია გამოიყენა და გადააგდო"
07:45 / 03-05-2014
განათლების ყოფილი მინისტრი, ექსპერტი გია ნოდია მიიჩნევს, რომ ბიძინა ივანიშვილმა ეკლესია "არჩევნების მოსაგებად გამოიყენა და გადააგდო". ამის შესახებ ექსპერტი "ფეისბუქის" პირად გვერდზე წერს.
"მოკლედ, ბიძინამ ეკლესია გამოიყენა (არჩევნების მოსაგებად) და გადააგდო. იმისდა მიუხედავად, რა იყო მისი მოტივები, ობიექტური შედეგი პოზიტიურია: ეკლესიას უთხრეს, რომ მის ჭკუაზე არ ივლიან. გამოვიდა, რომ მიშას დროს უკეთეს პოზიციაში იყო: მიშას ეშინოდა, რომ ეკლესია ღიად გადავიდოდა ოპოზიციის მხარეს და ყველანაირად თაფლავდა. ეკლესია აღმოჩნდა მდგომარეობაში, როცა ხელისუფლების შანტაჟი შეეძლო, და თავში აუვარდა. ახლა კი წაგებული გამოვიდა: საბოლოოდ, დაეხმარა ოპოზიციას, მოაშორებინა მიშა, და რა ხეირი? ახლა ვისთან აქვს წასასვლელი? ბურჯანაძის და ჯონდის ამარა დარჩა? შევდივარ მის მდგომარეობაში.
არა, ალბათ კიდევ გაიბრძოლებს. ახლა გამოჩნდება, რისი შნო აქვს დამოუკიდებლად. ან, მეორე ვარიანტი - გადაუგდებს ბიძინა ერთ-ორ ძვალს და დასჯერდებიან. ლოგიკურად, შიგნითაც შეიძლება გაუჩნდეთ პრობლემები. უფრო საინტერესო გახდა ცხოვრება.
ისე, შიხაშვილისნაირი ნაციონალი ვირთხების გადაგდებასაც აპირებს მგონი. თუ იზამს, ესეც კარგი იქნება - ვირთხები ამას ყველანაირად იმსახურებენ. მაგრამ ეს ბიძინა კი გამოდის პროფესიონალი გადამგდები.
მოკლედ, შეგნებულად თუ შეუგნებლად, ბიძინამ შეიძლება ახალი ასპარეზი შეუქმნას "მესამე ძალას", რომელიც ცალსახად ეკლესიაზე იქნება ორიენტიებული. რამდენად გამოვა ეს ამბავი, სხვა საკითხია. შეიძლება თანმიმდევრულად ეკლესიური პარტიის ნიშის დასაკავებლად დაერიონ ერთმანეთს ვიღაცეები. ამას ვერ ვიწანასწარმეტველებთ, ეს საინტერესოა.
მაგრამ ბიძინა თუ კარგი გადამგდებია, ბარემ პუტინიც გადააგდოს. აი, ეს იქნება გადაგდების უმაღლესი პილოტაჟი. არ გამოვრიცხავ, რომ თვითონაც ამ კატეგორიებში ფიქრობს", - წერს ნოდია.
იხილეთ ასევე: პარლამენტმა ანტიდისკრიმინაციული კანონი დაამტკიცა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ენტონი ფაუჩი მიმართვას ავრცელებს - "აიცერი, თუ არ ხარ აცრილი და მიიღე "ბუსტერ" დოზა, თუ უკვე აცრილი ხარ"
მნიშვნელოვანი ინფორმაცია
მკითხველის რჩევით
