კრამატორსკში უკრაინული ვერტმფრენი აფეთქდა

დონეცკის ოლქის ქალქ კრამატორსკში უკრაინული ვერტმფრენი მი-8 აფეთქდა. ამის შესახებ უკრაინული მედია იუწყება.

სამხედრო-პოლიტიკური კვლევების ცენტრის ხელმძღვანელის დიმიტრი ტიმჩუკის ინფორმაციით, ვერტრმფრენს აფრენამდე ცეცხლი გაუხსნეს. მისივე თქმით, აფეთქების შედეგად არავინ დაშავებულა, ეკიპაჟმა ვერტმფრენიდან გადმოხტომა მოასწრო.

ამასთან, ჯერჯერობით უცნობია, ვინ გაუხსნა ცეცხლი თვითმფრინავს.

რამდენიმე დღის წინ სეპარატისტებმა სლავიანსში უკრაინის შეიარაღებული ძალების ორ თვითმფრინავს გაუხსნეს ცეცხლი, თუმცა თვითმფრინავმა დაჯდომა შეძლო.

იხილეთ ვიდეო