პენსილვანიის სკოლაში ოცი მოზარდი დაჭრეს

აშშ-ის შტატ პენსილვანიაში, ერთ-ერთ სკოლაში მომხდარი თავდასხმის შედეგად 20 მოსწავლეა დაჭრილი. ამის შესახებ ინფორმაციას უცხოური მედია ადგილობრივ ხელისუფლებაზე დაყრდნობით ავრცელებს.

ინციდენტი პიტსბურგში, სასწავლო დაწესებულება Franklin Regional High School-ში მოხდა. პოლიციამ დანაშაულში ეჭვმიტანილი დააკავა. წინასწარი მონაცემებით, ის ამავე სკოლის მოსწავლეა.

არსებული ინფორმაციით, დანით სხვადასხვა სიმძიმის ჭრილობები 14-დან 17 წლამდე ასაკის მოზარდებს აქვს მიყენებული. ისინი საავადმყოფოში არიან გადაყვანილები. სკოლა დროებით დაიხურა. შენობას სამართალდამცველები ამოწმებენ.