რომან დუმბაძის მკვლელს 14 წლით თავისუფლების აღკვეთა მიესაჯა
მოსკოვის კუნცევსკის სასამართლომ ქართველი გენერლის, რომან დუმბაძის მკვლელობაში ბრალდებულს დღეს, 14 წლით თავისუფლების აღკვეთა მიუსაჯა. ამის შესახებ "რია ნოვოსტის" სასამართლოს პრესმდივანმა ტატიანა დანშოვამ განუცხადა.
განაჩენის თანახმად, ბრალდებული 52 წლის გოჩა კვირიკაშვილი სასჯელს მკაცრი რეჟიმის კოლონიაში მოიხდის. მსჯავრდებულის თხოვნით, რომელიც დანაშაულს აღიარებს, საქმე განიხილებოდა განსაკუთრებული წესით - მტკიცებულებების შესწავლისა და მოწმეების დაკითხვის გარეშე. კანონის თანხმად, განსაკუთრებული წესით განხილვისას, ბრალდებულისთვის სასჯელის მისჯა ხდება არა უმეტეს გათვალისწინებული მუხლის ორი მესამედისა.
რომან დუმბაძე მოსკოვში, რუბლიოვსკაიას გზატკეცილზე 2012 წლის 21 მაისს მოკლეს. 2004 წელს ის საქართველოში სამშობლოს ღალატისთვის გაასამართლეს და სამუდამო პატიმრობა მიუსაჯეს. 2008 წლის აგვისტოში ქართულმა მხარემ გენერალი 12 ქართველ ჯარისკაცში გაცვალა. 2010 წელს რუსეთის პრეზიდენტის ბრძანებით, დუმბაძეს რუსეთის მოქალაქეობა მიენიჭა.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
